Այս խաղերն ուղղված են տեսողության, ուշադրության և լսողության զարգացմանը:
Սրանք առաջին խաղերն են, որոնք կարելի է խաղալ երեխաների հետ:
Ապա նայիր ինձ...
Պահելով երեխային հորիզոնական դիրքով՝ փորձեք կենտրոնացնել նրա հայացքը ձեր դեմքին: Դրան զուգահեռ իրականացրեք միմիկայի շարժումներ՝ ժպտացեք, աչքով տվեք, բացեք և փակեք աչքերը:
Նման վարժությունների հիման վրա շուտով բալիկը սովորում է կենտրոնացնել հայացքը ինչպես անշարժ, այնպես էլ շարժական իրերին:
Չխկչխկան խաղալիք
Երեխայի առաջին խաղալիքը հիմնականում լինում է թափահարվող չխկչխկան խաղալիքը և որպեսզի այն օգտակար լինի պետք է այն ճիշտ ընտրել: Ընտրությունը կատարվում է մի քանի չափորոշիչներով՝ գույն (ցանկալի է դեղին), քաշ (ցանկալի է թեթև), աղմուկ (ձայնը չպետք է վախեցնի երեխային): Իսկ այս խաղալիքի իմաստը կայանում է նրանում, որ պետք է այն տանել աջից ձախ և շարժել վերևից ներքև:
Ընթացքում կարող եք նկատել, որ բալիկը հայացքով ուշադիր հետևում է խաղալիքին, լսում է ձայները:
Այսպիսով վարժվում է ոչ միայն երեխայի տեսողությունը, այլև լսողությունը:
Կրկնիր իմ հետևից
«Կրկնիր իմ հետևից» սա համարվում է «Ապա նայիր ինձ» խաղի ավելի բարդ տարբերակը: Այն կարելի է խաղալ 2-3 ամսական երեխայի հետ:
Սկզբում գրկեք երեխային և պահեք ձեզնիչ քիչ հեռու: Այնուհետև դանդաղ իրականացրեք որևէ գործողություն այնպես, որ երեխան կարողանա ընկալել այն (լեզու հանեք, բացեք և փակեք բերանը): Շուտով դուք կտեսնեք, որ երեխան փորձում է ձեր հետևից կրկնել գործողությունները:
Անձրևանոց
Այս խաղը նախատեսված է 2 ամսական երեխաների համար և ուղղված է տեսողության զարգացմանը:
Երեխայի մահճակալի հեռավոր անկյունում դրեք շրջած անձրևանոց, այնպես որ բալիկը կարողանա հասնել անձրևանոցին: Երկաթների վրա ամրացրեք վառ գույներով փուչիկներ, փոքրիկ խաղալիքներ և զանգակներ:
Կանգնեք մահճակալի եզրին և խոսեք երեխայի հետ:
Նա կարձագանքի ձեր ձայնին թեքելով գլուխը: Հենց երեխան ուշադրություն դարձնի ձեզ շարժեք անձրևանոցը՝ գրավելով փոքրիկի ուշադրությունը բազմագույն խաղալիքներով: Եթե վարժությունը կրկնեք մի քանի անգամ, երեխան անպայման ուշադրություն կդարձնի անձրևանոցին:
Տիկնիկ-աման
Խաղն ուղղված է ուշադրության և տեսողության ամրապնդմանը: Այն խորհուրդ է տրվում 2 ամսական հասակում:
Խաղալիք ամանից պատրաստեք տիկնիկ, ամրացրեք նրան գրիչ: Ափսեի մի կողմին նկարեք ժպտացող, իսկ մյուսին՝ տխուր դեմք: Ցույց տվեք այն երեխային սկզբից մեկ, ապա մյուս կողմով:
Արեք այնպես, որ նա տեսնի ուրախ և տխուր դեմքերը: Կարճ ժամանակ անց դուք կնկատեք, որ երեխային դուր է գալիս նայել խաղալիքին և նա շուտով սկսում է խաղալիքի հետ զրուցել:
Խաղալիքի հանդեպ հետաքրքրությունը մնում է երկար ժամանակ, քանի որ երկու երեսն էլ երեխային հետաքրքիր է:
Գեղեցիկ շոր
Երեխային կերակրելու ժամանակ ձեր ուսերին գցեք որևէ գեղեցիկ շոր կամ շարֆ: Երեխան մեծ հաճույքով կնայի ձեզ և ձեր շարֆին:
Կերակրելու ժամանակ պահեք այն երեխայի առջև և ասացեք փաղաքշական բառեր՝ «ի՞նչ գեղեցիկ շոր է…», «Ի՞նչ գեղեցի բալիկ է» և այլն:
Հաջորդ անգամ, երբ երեխան տեսնի ձեզ վրա այդ շորը, այն իր մոտ կասոցացվի դրական հիշողություններով:
Ուրախ նկարներ
Խաղը նախատեսված է 2 ամսական երեխաների համար: Այն ուղղված է տեսողության զարգացման համար:
Ծնվելուց մեկ շաբաթ անց բալիկը սկսում է տարբերել նկարները: Նրանց ուշադրությունը առավելագույնս գրավում են ընդգծված վառ գույները:
Փորձեք թուղթը կտրտել ուղղանկյուն, մոտ 22x 28 սմ տեսքով: Հաստ ֆլոմաստերով նկարեք տարբեր երկրաչափական պատկերներ:
Կարելի է նաև ամրացնել ամսագրից կտրված նկարներ: Փակցրեք այդ նկարները երեխայի մահճակալի մոտ, որպեսզի նա կարողանա անընդհատ տեսնել դրանք:
Մեղու-մեղու
Գրկեք ձեր բալիկին և նայեք նրա աչքերի մեջ: Որպեսզի գրավեք նրա ուշադրությունը դանդաղ շարժեք ցուցամատը նրա առջև: Այնուհետև մատը տարեք աջ և սպասեք մինչև փոքրիկը հայացքը թեքի նույն ուղղությամբ:
Այժմ տարեք մատը ձախ ուղղությամբ և հետևեք, որպեսզի բալիկը հայացքը կրկին ուղղի դեպի ձեր մատը: Եվ այսպես, մատը տանելով աջ ու ձախ, կրկնեք՝ «Մեղու-մեղու, ժու-ժու-ժու» արտահայտությունը:
Սկզբում բալիկը ուշդրություն կդարձնի ձեր մատին ժամանակ առ ժամանակ, սակայն եթե դուք այն կրկնեք ամեն օր, ապա կտեսնեք, որ բալիկը օրեցօրե առաջընթաց է ունենում: