Դիտորդ

Այս խաղը ավելի լավ է խաղալ այն երեխաների հետ, ովքեր կարողանում են նստել:

Այն թույլ կտա երեխային որոշ ժամանակ թողնել նստած և զբաղվել գործերով՝
նստեցնելով փոքրիկին որևէ շարժվող առարկայի դիմաց

(դա կարող է լինել ձկներով ակվարիում, մեծ սլաքներով ժամ և այլն):

Այս տարիքում երեխաներն արդեն կարողանում  են բավական երկար ժամանակ կենտրոնացնել իրենց ուշադրությունը մեկ օբյեկտի վրա:

 

 

Ո՞վ է հայելու մեջ

Նստեցրեք երեխային մեծ հայելու դիմաց, գրավեք նրա ուշադրությունը իր «կրկնօրինակի» միջոցով: Հավանաբար նա կհետաքրքրվի իր արտացոլանքով:
Այս խաղը բավական արդյունավետ կարող է լինել այն դեպքերում, երբ ցանկանում եք հանգստացնել փոքրիկին:

 

 

Սկյուռիկներ

Այս խաղը կարելի է խաղալ 8-9 ամսական երեխաների հետ:

Կարդացեք բանաստեղծությունը և օգտագործեք ձեր ձեռքերը.

 

Մեկ, երկու, երեք, չորս, հինգ,

Սկյուռներն եկան խաղալիք:

(Ցույց տվեք հինգ մատները)
Մի սկյուռն անհետացավ,
(Ձեռքը պահեք մեջքի հետևում)
Մնացին չորս սկյուռիկներ:
(Ցույց տվեք չորս մատները)
Իսկ ուշադիր թե նայես,
(Ձեռքը պահեք մեջքի հետևում)
Երեք սկյուռ դու կտեսնես:
(Ցույց տվեք երեք մատները)
Այ քեզ բան, ի՞նչ պատահեց,
(Ձեռքը պահեք մեջքի հետևում)
Մի սկյուռիկ էլ պակասեց:
(Ցույց տվեք երկու մատները)
Ինչպես ասեմ չգիտեմ,
(Ձեռքը պահեք մեջքի հետևում)
Մեկ սկյուռիկ է մնացել:
(Ցույց տվեք երկու մատները)
Այնուհետև ասացեք.

Մինչդեռ մենք հաշվում էինք,
Էլ ոչ մի սկյուռ չմնաց:

 

 

Բացիր և փակիր

Այս խաղը կարելի է խաղալ 10-12 ամսական երեխաների հետ: Այն ուղղված է ոչ միայն ուշադրության կենտրոնացման վրա, այլ նաև նպաստում է մատների զգայունությունը բարձրացնելուն:
Երեխայի առջև դրեք մի քանի փոքր տարաներ, փակեք դրանց բերանները տարբեր գույնի կափարիչներով: Առաջարկեք նարն բոլորը բացել, հետո նորից փակել՝ նույն հերթականությամբ: Եթե կափարիչները պտտվող են, հետևեք որ երեխան պտտի կափարիչը, այլ ոչ տարան:

 

 

Արա ինձ պես

Այս խաղը կարելի է խաղալ 10-12 ամսական երեխայի հետ: Այն ուղղված է ուշադրության կենտրոնացմանը:

Խփեք թմբուկին, ծափեր տվեք, ձեռքով արեք, փչեք, դիրիժորություն արեք:

 Այդ ընթացքում փոքրիկը պետք է նայի ձեզ և կրկնի ձեր շարժումները:

 

 

Կռահիր, ո՞ր ձեռքում է

Պահեք ձեռքի մեջ որևէ հետաքրքիր խաղալիք:
Բացեք ձեռքը, ցույց տվեք խաղալիքը երեխային, և անմիջապես փակեք ձեռքը: Թողեք, որ նա փնտրի պահված խաղալիքը: Այդպիսով դուք կօգնեք երեխային հասկանալ, որ եթե ինչ-որ բան պահված է, դա չի նշանակում, որ այն այլևս գոյություն չունի:
Ծափահարեք նրան, երբ նա գտնի  խաղալիքը: Սկսեք խաղը նորից և եթե փոքրիկը դժվարանում է, օգնեք նրան՝ ցույց տվեք խաղալիքը ևս մեկ անգամ:

 

 

Թափանցիկ արգելքներ

Այս խաղը զարգացնում է երեխայի ուշադրությունը, տեսողությունը և տրամաբանությունը: Տեղադրեք խաղալիքը որևէ թափանցիկ պատնեշի հետևում: Հետևեք, թե ինչ է անում երեխան՝ փորձում է վերցնել խաղալիքը  պատնեշի միջով , թե շրջանցելով այն:

 

 

Կռահեք, ո՞վ է խոսում

Բոլոր երեխաների մոտ կենդանիների հանդեպ հետաքրություն է առաջանում: Հնարավորություն տվեք երեխային տեսնել խաղալիք կենդանիներ, պատմեք նրանց մասին, և ներկայացրեք որ կենդանին ի՞նչ ձայն է հանում՝ օրինակ` Շունը հաչում է՝ հաֆ-հաֆ, ո՞ւր է շունիկը: Երեխան պետք է ցույց տա համապատասխան խաղալիքը:

 

 

Գլխարկ

Խաղի նպատակն է երեխայի մոտ զարգացնլ ուշադրությունը և տրամաբանությունը:

Տվեք երեխային ցանկացած գլխարկ, նա կփորձի ինքնուրույն հագնել այն: Դա թույլ կտա երեխային ավելի շատ բան իմանալ իր մասին:

Թույլ տվեք բալիկին նայի իրեն հայելու մեջ: Սեփական արտացոլանքը նրա մոտ հիացմունք կառաջացնի:

 

 

Ստվեր

Փոքրիկ երեխաները հիմնականում գիշերն արթնանում են մի քանի անգամ: Լույսի ստվերները պատի վրա հետաքրքիր պատկերներ են առաջացնում, ինչը  գրավում է անքուն բալիկին:

Ստվերներին հետևելը զարգացնում է երեխայի տեսողությունը:

Երբ նա միքիչ էլ մեծանա դուք կարող եք նրան ցույց տալ տարբեր իրեր, որոնք ստվեր են գցում պատին:

 

 

Հետաքրքիր ձայներ

Խաղն ուղղված է ուշադրության զարգացմանը:
Երեխայի ուշադրությունն ուղղեք տարբեր ձայների՝ միշտ նշելով դրանց աղբյուրները (հեռախոս, դռան ձայն, հայրիկի քայլեր, անձրև, ծորակից հոսող ջուր, շան ձայն և այլն):

Ձայներին արձագանքելով՝ երեխան սովորում է լսել, ինչը շատ կարևոր է զարգացման համար:

 

 

Թաքնված խաղալիք

Խաղը զարգացնում է տրամաբանությունը և ուշադրությունը:
Սեղմեք խաղալիքին այնպես, որ երեխան ձայնը լսի:

Թաքցրեք այն ծածկոցի տակ երեխայի ներկայությամբ և թույլ տվեք, որ նա գտնի այն: