Քայլեցնել

Երեխային բռնելով թևերի տակից՝ կանգնեցնում ենք ոտքերով հարթ տարածության վրա, որպեսզի երեխան կարողանա ոտքերի վրա հենվելով հրել ինքն իրեն՝ մեկ ոտքերը առանձին-առանձին, մեկ երկուսը միասին՝ փորձելով քայլել և թռչկոտել:

Նման վարժությունը ամրացնում է մկանները և հետագայում թույլ է տալիս ավելի հեշտ քայլել: 

 

 

Խաղ շրջադարձերով

Պտտելով երեխային տարբեր ուղղություններով՝ մենք օգնում ենք նրան պատկերացում կազմել տարածության վերաբերյյալ և սովորել պահել հավասարակշռությունը:

Գրկեք երեխային և թեքվեք տարբեր ուղղություններով՝ մե՛կ աջ, մե՛կ ձախ: 

Պահեք նրան դեմքով կամ մեջքով դեպի ձեզ:

Պտտվելու ընթացքում երգեք տարբեր երգեր:

Որքան հաճախ եք փոխում երեխայի տեսադաշտը, այնքան շուտ է նրա մոտ զարգանում շարժման կոորդինացիան և հավասարակշռության զգացումը, ինչը նրան օգնում է չոչ անելու և քայլելու ընթացքում:

 

 

Ամրացնում ենք ձեռքերը

Եթե ձեր բալիկը սովորել է նստել, նրա հետ կարելի է իրականացնել հետևյալ վարժությունները.

վերցրեք պինդ փայտ կամ պարան, առաջարկեք երեխային բռնել ձեռքերով, այնուհետև բարձրացրեք երեխային պարկած դիրքից, որպեսզի նա նստի: Կատարեք նաև հակառակ գործողությունը:

Կրկնեք այդ վարժությունը մի քանի անգամ:
Վերոնշյալ գործողությունները առավել հաճախ կրկնելու դեպքում կամրանան ոչ միայն ոտքի, այլ նաև փորի մկանները:
 

 

 

Ուժեղ

Վարժությունը կատարվում է նախորդի պես՝ նույն իրերով:

Փայտի փոխարեն կարելի է օգտագործել նաև պլաստմասյա օղակներ:

Մի կողմից բռնեք օղակը, իսկ երեխային թույլ տվեք բռնի հակառակ կողմից: Քաշեք դեպի ձեզ և թույլ տվեք, որ նույնը կրկնի երեխան՝ մի փոքր դժվարացնելով նրա գործը:

Նույնը կրկնեք նաև մյուս ձեռքի համար:

 

 

Ամուր ոտքեր

Պարկեցրեք երեխային մեջքի վրա և զգուշորեն ուղղեք ոտքերը:

Երբ ամբողջությամբ ոտքերն ուղղվեն շատ թեթև հպվեք դրանց:

Բալիկը անպայման կսեխմի ձեռքերը և կծալի ոտքերը:

Այդ ընթացքում օգտագործեք ուրախ երգեր և ոտանավորներ:

 Գովեք երեխային:

Ոտքերի ամուր մկանները շատ կարևոր են, առհասարակ, երբ փոքրիկը սկսի սողալ, չոչ անել և քայլել:

 

 

Գնդակի վրա

Վերցրեք մեծ փափուկ գնդակ

(այն պետք է փչած լինի ոչ ամբողջությամբ):

Պարկեցրեք երեխային փորիկով գնդկի վրա, և , զգուշորեն պահելով նրան, գլորեք գնդակը առաջ և հետ:

Այս վարժությունը լավ ամրացնում է բոլոր մկանները:

Այն նաև խորհուրդ է տրվում է գլխուղեղի բնածին արատով երեխաներին:

 

 

Մարզում ենք ողնաշարը

Պարկեցրեք երեխային մեջքի վրա՝ սեղանին կամ բազմոցին:

Երկու ոտքերը ամուր բռնեք, բարձրացրեք դրանք մինչև գլուխ և առանց հպվելու հետ վերադարձրեք ելման դիրք:

Վարժությունը կրկնեք 5-6 անգամ:

 

 

«Քայլում» ենք ձեռքերով

Երեխային փորիկով պարկեցրեք 20-30 սմ տրամագծով գնդակի վրա,

ոտքերը բռնելով զգույշ հրեք նրան առաջ և հետ:

Այս վարժությունը ոչ միայն ամրապնդում է երեխայի շարժունակությունը,

այլ նաև զարգացնում է ձեռքերը:

Այնուհետև կարելի է վարժությունը բարդացնել՝

բռնեք երեխային ոտքերից, թողեք որպեսզի նա ինքնուրույն գնա առաջ ձեռքերով:

Կարելի է նաև առջևում խաղալիք դնել, որպեսզի երեխան ձգտի գնալ այդ կողմ:

 

 

Հասիր խաղալիքին

Երեխայից որոշակի հեռավորության վրա դրեք խաղալիք և նրան առաջարկեք հասնել և վերցնել այն:

Նստած դիրքում նա հաստատ չի կարող կատարել գործողությունը և սկզբից կձգտի հասնել խաղալիքին՝ փորձելով սողեսող:

Այդ նույն վարժությունը կարելի է օգտագործել, երբ երեխային սովորեցնում եք քայլել՝ աստիճանաբար մեծացնելով խաղալիքի հեռավորությունը:

 

 

Պահմտոցի

Երեխան սիրում է այն խաղերը, երբ պետք է թաքնվել և փնտրել:

Թաքնվեք աթոռի հետևում և թույլ տվեք, որ երեխան

սողալով ձեզ գտնի:

Այնուհետև սովորեցրեք բալիկին թաքնվել և դուք իրեն փնտրեք:
Այս խաղի միջոցով երեխան զարգացնում է ոտքերի և ձեռքերի մկանները, սողալու կարողությունն ու չոչը:

 

 

Խաղ մեծ գնդակով

Առաստաղից կախեք մեծ փչած գնդակ այնպես,

որ երեխան կարողանա հասնել նրան:

Փոքրիկը հաճույքով կհարվածի գնդակին և կհետևի նրա ընթացքին, թե ինչպես է այն այս ու այն կողմ գնում:

Խաղն ուղղված է  շարժումների կոորդնացիային և ձեռքերի մկանների զարգացմանը:

 

 

Պարանի ձգում

Երեխայի հետ խաղացեք «պարանի ձգում»:

Թույլ տվեք նրան բռնել շարֆի մի կողմը, իսկ դուք բռնեք մյուս կողմից և զգուշորեն քաշեք այն:

Երեխային դուր կգա այս ուրախ խաղը: