Այս տարիքում երեխան սկսում է ակտիվ խոսել՝ սկզբում առանձին ձայներ է հանում,

այնուհետև բառեր և նախադասություններ է արտասանում:

Տվյալ ժամանակահատվածում շատ կարևոր է ավելի հաճախ դիմել բալիկին,

իր անվան հետ կապված տարբեր արտահայտություններ անել,

օգտագործել հնարավորինս քիչ տեղանուններ՝

 փոխարինելով դրանք  այլ գոյականներով:

 Կարևոր է նաև հաճախակի վերլուծել ձեր և ձեր բալիկի գործողությունները:

 

Ահա և ամբողջ ընտանիքը

Ահա պապիկը,

Տես տատիկը,

Սա հայրիկն է,

Սա մայրիկը:

Ահա և մեր հրաշք փոքրիկը,

Սա է մեր մեծ ընտանիքը:

 

Մեծահասակներն արտասանում են՝ հերթականությամբ փակելով բալիկի մատները: Իսկ «Սա է մեր մեծ ընտանիքը» արտահայտության ժամանակ պետք է գրկել բալիկին:

 

Ի՞նչ է առարկայի անունը

Հաճախակի ցույց տվեք երեխային տարբեր առարկաներ՝ կրկնելով դրանց անունները:
Ցույց տվեք տվյալ առարկան բալիկին, գրավելով նրա ուշադրությունը, այնուհետև հայացք գցեք դեպի առարկան և ասացեք նրա անունը:

Օրինակ՝ «Սա արջուկ է» (ծաղիկ, մատիտ, պատուհան):

Երբ հաջորդ անգամ հարցնեք բալիկին այդ առարկայի մասաին, նա ցույց կտա ձեզ առարկան կամ միգուցե ասի ձեզ նրա անունը:

 

 

Կռահիր խաղալիքը

Ցույց տվեք երեխային 3-4 խաղալիք, սովորեցրեք դրանց անունները:

 Երեխային պետք է ի սկզբանե սովորեցնել ճիշտ արտասանել անունները՝

«սա նապաստակ է» (շնիկ կամ բադիկ):

Այնուհետև պատմեք յուրաքանչյուր խաղալիքի մասին՝ նկարագրելով նրա յուրահատկությունները:

Օրինակ՝ «Սա խաղալիք փիսիկ է: Այն սպիտակ է և փափուկ:

Պոչը երկար է, իսկ ականջները փոքրիկ»:

Նման կերպով նկարգրեք նաև մյուս խաղալիքները և խնդրեք փոքրիկին անվանել դրանք:

 

 

Թելեր փուչիկների համար

 Վերցրեք տարբեր փուչիկներ և առանց կապելու տվեք փոքրիկին: Հենց փոքրիկի վերցնի փուչիկը, ապա օդը մեջից դուրս կգա և անմիջապես կփոքրանա:

Բացատրեք բալիկին, որ եթե ցանկանում ենք, որ փուչիկի օդը դուրս չգա պետք է այն կապենք: Որից հետո վերցրեք փուչիկը, նորից փչեք և կապեք այն:

Ցույց տվեք փոքրիկին թղթի վրա նկարած առանց թելի բազմագույն փուչիկներ:

Առաջարկեք փոքրիկին  թել նկարել փուչիկների համար:

Նախ ցույց տվեք բալիկին ինչպես պետք է նկարել.

 «Մատիտը պետք է հպվի փուչիկի եզրին, այնուհետև տանենք ներքև»:

Բռնեք փոքրիկի ձեռքը և նկարեք ևս մեկ թել փուչիկ համար:

Նակրելուց հեոտ վերցրեք փուչիկը, փչեք և կապեք այն:

Այժմ առաջարկեք փոքրիկին, որ ինքը նույնը կրկնի ինքնուրույն:

Եվ չմոռանաք գովաբանել երեխային հաջողությունների համար:

Ավարտելուց հետո սկսեք երեխայի հետ խաղալ փուչիկով:

Կարելի է ուղղակի փուչիկը վերև թռցնել կամ խաղալ մեկը մյուսին փոխանցելով:

 

 

Գտիր հանելուկի պատասխանը

Պաստառի վրա նկարեք տարբեր պատկերներ՝ կահույք, աման, շոր, գործիքներ, մեքենաներ:

Երբ պատկերները բոլորը նկարեք վերջացնեք, սկսեք հանելուկներ ասել յուրաքանչյուրի հետ կապված և թույլ տվեք, որ փոքրիկը գտնի դրանց նկարները պաստառի վրա:

 

 

Կոճակներ

Այս խաղը զարգացնում է տրամաբանությունը և մատների շարժիչ հմտությունները:
Վերցրեք տերբեր չափսի և գույնի կոճակներ:

Դրանցով կազմեք պատկերներ:

Սկզբում դուք ցույց տվեք, թե  ինչպես կարելի  է պատկերներ ստանալ, այնուհետև առաջարկեք բալիկին անել այն ինքնուրույն:

Երբ երեխան սկսի առանց ձեր օգնության ստանալ պատկերները՝ առաջարկեք նրան իրագործել սեփական մտահաղացումները: