Ի՞նչի հոտ է գալիս
Խաղը նախատեսված է երեք տարեկան երեխաների համար:
Նախապես պետք է պատրաստել յուրահատուկ հոտով առարկաներ՝
օճառ, կոշիկի քսուք, սխտոր, լիմոն և այլն:
Երեխաներին պետք է բացատրել, թե դրանցից որն է ուտելու համար, իսկ որը՝ ոչ:
Միասին հոտ քաշեք և փորձեք կռահել հոտից, թե ինչպիսին է այն՝ թթու, կծու, քաղցր, հաճելի կամ տհաճ, ուտելու կամ ոչ:
Այնուհետև փակեք երեխայի աչքերը և առաջարկեք որոշել ըստ հոտի, թե ի՞նչ է ձեր ձեռքում:
Այս խաղը զարգացնում է երեխայի հիշողությունը,
երևակայությունը և խոսքը:
Խորտակվում է, չի խորտակվում...
Հատակին դրեք պոլիէթիլեն, մեջ տեղում՝ մեծ ամանով ջուր:
Շուրջ բոլորը դրեք խորտակվող և չխորտակվող տարբեր իրեր:
Թույլ տվեք բալիկին հերթով ջրի մեջ նետել իրերը
(շորի կտորներ, ստվարաթուղթ, մետաղադրամներ և այլն):
Հետևեք իրերի դրսևորմանը ջրում և բացատրեք երևույթը երեխային:
Այնուհետև թույլ տվեք երեխային ջրից հանել իրերը:
Նորից բացատրեք գործողությունները՝
ստվարաթուղթը թրջվել է և պատռվում է,
իսկ մետաղադրամներին ոչինչ չի պատահել և այլն:
Թաքցրու նապաստակին աղվեսից
Թղթի մեջտեղում մատիտով կամ ֆլոմաստերով նկարեք նապաստակ:
Ցույց տվեք փոքրիկին և պատմեք որևէ կարճ հեքիաթ.
«Կար-չկար մի նապաստակ կար: Նա շատ էր սիրում գազար: Բայց որպեսզի հասներ գազարին, ամեն անգամ ստիպված էր անցնել աղվեսի մոտով: Նապաստակը աղվեսից շատ էր վախենում:
Վերջապես նա որոշեց գնալ գազարի հետևից, իսկ աղվեսը թաքնվել և սպասում էր նրան:
Նապաստակը գողեգող առաջ էր գալիս, բայց
խորամանկ աղվեսին չես խաբի:
Վա՜յ - վա՜յ հիմա կբռնի աղվեսը»...
Արի օգնենք նապաստակին՝ թաքցնենք նրան:
Տվեք երեխային նապաստակի գույն մատիտը կամ ֆլոմաստերը և առաջարկեք թաքցնել նապաստակին:
Իհարե սկզբից ցույց տվեք, թե ինչպես պետք է թաքցնել նապաստակին:
Երբ երեխան ամբողությամբ ներկի նապաստակին, գովեք նրան՝ նշելով, որ ինքը փրկեց նապաստակին:
Պտտիր ժապավենը
2,5-3 տարեկան երեխաների համար:
Երեխայի համար կազմակերպեք բազմագույն ժապավեններ պտտելու մրցույթ: Ժապավենները պետք է սոսնձված լինեն, օրինակ, մատիտի վրա:
Եթե ժապավենները տարբեր երկարություն ունենան՝ քանդելու գործընթացը ավելի երկար ժամանակ կպահանջի:
Բալիկի ուշադրությունը հրավիրեք այն հանգամանքին, որ ժապավաններից մեկը կարելի է ավելի արագ քանդել, քան մյուսը:
Բացեք բոլոր ժապավենները, դրեք իրար մոտ այնպես, որ երկարությունների տարբերությունը ակընհայտ լինի:
Գնդակ թմբի վրա
Տրամաբանությունը զարգացնող խաղ:
Պատրաստեք փոքրիկ թումբ: Նրանից մի փոքր հեռու սահման գծեք:
Երեխային տվեք փոքր գնդակ և խնդրեք նրան,
որպեսզի գնդակը թմբից բաց թողնի այնպես, որ այն կանգ առնի սահմանագծին:
Սկզբում փոքրիկը կսխալվի, բայց շուտով նա կհասկանա, թե ինչպես պետք է բաց թողնել գնդակը,
որպեսզի այն կանգ առնի սահմանագծին մոտ:
Կռահի՞ր մտապահածը
Խաղում ընդգրկեք երեխայի սիրելի խաղալիքները, օրինակ՝
տիկնիկին, թզուկին, նապաստակին և այլն:
Կարևոր է, որ դրանք լինեն բավականին մեծ և կարողանաք նստեցնել
կամ դնել երեխայի առջև, հետևում և կողքին:
Երեխային նստեցրեք կենտրոնում, իսկ խաղալիքները դրեք նրա շուրջ:
Ասացեք, որ մտապահել եք նրանցից մեկը,
իսկ ինքը պետք է կռահի որ մեկը:
Փորձեք օգնել բալիկին բացատրելով խաղալիքի դիրքը՝
այն քո կողքին է կամ գտնվում է քեզանից աջ (առջևում, հետևում):
Երեխան պետք է ասի, թե որ խաղալիքն է տվյալ դիրքում:
Այնուհետև փոխեք խաղալիքները տեղերով և դրեք խաղալիքները ձեր կողքին:
Այժմ հարցերը պետք է տա երեխան:
Համեմատություն
Այս խաղը սովորեցնում է երեխային համեմատել տարբեր իրեր ըստ առանձնահատկությունների:
Առաջարկեք բալիկին համեմատել երկու տիկնիկ և ասել,
թե ինչո՞վ են նրանք տարբերվում:
Երեխան պետք է անուններով դիմի տիկնիկներին (օր.՝ Էլեն և Իռեն) և պատմի այն մասին, որ Էլենը շիկահեր է և ունի կարճ մազեր, իսկ Իռենը՝ մուգ և երկար մազեր: Էլենի աչքերը մոխրագույն են, իսկ Իռենինը՝ սև: Էլենը երեկոյան զգեստով է, իսկ Իռենը՝ կիսշրջազգեստով:
Այնուհետև սկսեք երեխային տարբեր հարցեր տալ՝ պատասխանի ակընկալիքով:
«Տիկնիկները ուզում էին խաղալ...(գնդակներ)»: Այս գնդակը...(կլոր, ռետինե, կապույտ, փոքրիկ), իսկ մյուսը...(մեծ, կարմիր):
Ինչ կարելի է անել գնդակներով...(գցել, բռնել): Նայիր այս գնդակին:
Այն ավելի մեծ է քան կապույտը, բայց ավելի փոքր քան կարմիրը:
Ինչպիսին է այն... (Միջին):
Ասա, ինչպիսի՞...
Այս խաղը զարգացնում է տրամաբանությունը, խոսքը և սովորեցնում է իրերի առանձնահատկությունները:
Ձեզ պետք կգա արկղ և տարբեր իրեր: Դրեք իրերը արկղի մեջ,
այնուհետև հերթականությամբ հանեք և ասացեք.
«Սա խնձոր է, այն կարմիր է և քաղցր»,
«Սա լոլիկ է, այն կլոր է, կարմիր, հասած և շատ համեղ» և այլն:
Լինում է, չի լինում...
Այս խաղը զարգացնում է տրամաբանությունը և օգնում է ճանաչել շրջակա միջավայրը:
Կարելի է խաղալ երեխայի հետ միասին կամ ավելի մեծ խմբով՝ հերթով տալով համապատասխան հարցեր:
Մեկ տարեկան երեխաների համար հարցերը պետք է լինեն հեշտ, իսկ ավելի մեծ երեխաների համար՝ ավելի բարդ:
Մեծահասակը տալիս է հարց.
«Լինում է չի լինում մի ճուտիկ է լինում,
ի՞նչ եղավ ճուտիկի հետ» ,
«Նա աքլոր դարձավ»:
«Լինում է չի լինում մի ամպ է լինում,
ի՞նչ եղավ ամպի հետ»,
«Ամպից անձրև է գալիս»:
«Լինում է չի լինում մի առվակ է լինում,
ի՞նչ եղավ առվակի հետ»,
«Առվակը ձմռանը սառեց, իսկ ամռանը ցամաքեց»:
«Լինում է չի լինում մի սերմ է լինում,
ի՞նչ եղավ սերմի հետ»,
«Սերմից ծաղիկ է աճել»:
«Լինում է չի լինում մի կտոր կավ է լինում,
ի՞նչ եղավ կավի հետ»,
«Կավից աղյուս են սարքել»:
Գովաբանում
Այս խաղը սովորեցնում է ճանաչել խաղալիքների կամ տարբեր առարկաների արտաքին առանձնահատկությունները, զարգացնել տրամաբանությունը և խոսքը:
Ասացեք երեխային, որ տիկնիկին ասել են, որ նա տգեղ է և տիկնիկը տխրել է:
Պետք է նրան օգնել և բոլորին պատմել, թե ինչ գեղեցիկ է տիկնիկը:
Որից հետո երեխային ուղղորդող հարցեր տվեք.
«Ո՞վ է սա » - «Տիկնիկ»: «Ինչպիսի՞ն է նա» - «Կոկիկ և գեղեցիկ»:
«Ինչպե՞ս է տիկնիկի անունը» - «Մաշա»:
«Ի՞նչ է կարողանում անել Մաշան» - «Խաղալ, նկարել, երգել, պարել»:
Այնուհետև դուք ասում եք.
«Արի միասին պատմենք Մաշայի մասին...
Մեր Մաշան... (ամենագեղեցիկն է): Նա ունի...(դեղին գույնի գեղեցիկ շոր, սպիտակ կոշիկներ, սպիտակ զուգգուլպաներ) և այլն»:
Թվարկելով տեսանելի և գունավոր երևույթները (գույն, ձև, մեծություն), անցում կատարեք առարկայի չափորոշիչներին, ներքին հատկություններին, բնութագրիչներին, իրականացրեք համեմատականներ:
Մագնիսներ
Այս խաղը զարգացնում է ուշադրությունը:
Սեղանին կամ աթոռին դրեք փոքրիկ մետաղական առարկաներ (ամրակ, մետաղադրամ, կոճակ և այլն):
Վերցրեք թուղթը (կամ աթոռի տակ պահեք) մագնիսը և շարժեք այն: Երեխայի հետ միասին զարմանք հայտնեք կոճակի կամ մետաղադրամի շարժման հետ կապված:
Թույլ տվեք փոքրիկին շոշափել շարժվող իրերը, հետաքրքրություն առաջացրեք նրա մոտ տվյալ երևույթի հանդեպ:
Որոշ ժամանակ անց բացահայտեք երեխային գաղտնիքը և թույլտվեք, որ նա ինքն իրականացնի նույն գործողությունը: