Մաղ
Այն 1,5-2 տարեկան երեխաների համար է
Թուղթը դրեք գորգի կամ փափուկ ինչ-որ բանի վրա և մատիտի օգնությամբ անցքեր արեք՝ պատրաստելով նրանից մաղ: Կարելի է նկարել շրջան կամ այլ երկրաչափական մարմիններ և անցքերն անել համապատասխան գծի երկայնքով:
Այնուհետև կարելի է շրջանը կտրել:
Նույնը կարել է իրականացնել ամրացնելով թուղթը: Այդ դեպքում այն չի ճմրթվի:
Բազմագույն աշխարհ
Վերցրեք բազմագույն փուչիկներ և երեխայի հետ միասին նայեք դրանց միջով: Հարցրեք, թե ինչ է նա տեսնում: Նույն նպատակով կարող եք օգտագործել գունավոր թափանցիկ պլաստմասա կամ ներկելով փոքրիկ ապակե կտորներ:
Ինչի՞ է նման
Ստվարաթղթից կամ գունավոր թղթերից կտրտեք երկրաչափական պատկերներ: Հերթականությամբ ցույց տվեք պատկերները երեխաներին և հարցրեք, թե ինչի՞ են դրանք նման: Օրինակ՝ շրջանը նման է արևի, բլիթի, օդապարիկի:
Եռանկյունը նման է տանիքի, քառակուսին՝ պատուհանի և այլն:
Կարող եք երեխային առաջարկել միասին այդ պատկերներից ստանալ նկարներ կամ ապլիկացիաներ:
Ծովային քարեր
Այս խաղը նպաստում է մատների շարժիչ հմտությունների զարգացմանը
Տարծեք պոլիէթիլենը հատակին, մեջ տեղում դրեք ջրով տարա: Շուրջ բոլորը դրեք ջուրն ընկղմվող տարբեր իրեր և բացատրեք, որ ինչ-որ մեկը ծովի հատակից է հանել ծովային քարերը և ասացեք, որ պետք է դրանք հետ վերադարձնել ջուրը: Ցույց տվեք նրան ձեր օրինակով՝ վերցրեք կոճակը և գցեք ջուրը: Պետք է անեք այնպես, որ դրանից հետո երեխան ինքնուրույն «քարերը» գցի «ծովը»:
Ինտուիցիա
Վերցրեք ձեռքի մեջ ինչ-որ իր, օր. կոնֆետ, և պահեք ձեռքը հետևում: Հարցրեք երեխային, որ ձեռքում է կոնֆետը: Երեխաները գրեթե միշտ ճիշտ են կռահում:
Բռնում ենք կարթով
Այս խաղն ուղղված է 2,5 - 3 տարեկան երեխաների երևակայության զարգացմանը
Տարբեր իրեր իջեցրեք ջրով լի ակվարիումի մեջ և երեխային տվեք բարակ երկար փայտ կարթի փոխարեն: Օգնեք նրան բռնել և բարձրացնել իրերը՝ կարծես ձուկ որսալուց լինեք: Այս խաղը կարելի է նաև խաղալ օգտագործելով դատարկ ակվարիում:
Բազմագույն մարդուկներ
Խաղի համար օգտագործեք տարբեր գույների մատիտներ կամ ֆլոմաստերներ:
Հետաքրքիր կլինի, եթե վերցնեք տարբեր երկարության մատիտներ:
Երեխային խնդրեք մատիտներից մարդուկներ պատրաստել՝ ընտրելով որպես մարմնի տարբեր մասեր: Կարելի է մարդուկներից ընտանիք կամ դասակ կազմել:
Երեխային սովորեցրեք նաև դասավորել մարդուկներին ըստ հասակի, գույնի կամ այլ չափորոշիչների:
Համով նկարներ
Այս խաղը կարող եք իրագործել ճաշելու ընթացքում
Խաղի համար անհրաժեշտ են բլիթներ (օր. ալլադի) և «ներկեր» (օր.՝ խտացրած կաթ, մուրաբա, մեղր և այլն): Երեխային առաջարկեք բլիթների վրա ծիծաղաշարժ պատկերներ և գծեր ստանալ «ներկերի» օգնությամբ: Կարելի է օգտագործել նաև հատապտուղներ, մրգերի կտորներ և այլն: Երբ բլիթները զարդարված լինեն, նրանք կարելի է մեծ հաճույքով ուտել:
Տիկնիկային թատրոն
Այս խաղը կհետաքրքրի 2 տարեկանից բարձր երեխաներին
Տիկնիկներ պատրաստելու համար օգտագործեք զուգագուլպաներ, ձեռնոցներ և նման այլ պաագաներ: Ձեզ կաորղ են նաև պետք գայլ բազմագույն թելեր, կոճակներ, կտորներ և այլն: Երեխայի հետ միասին տիկնիկային թատրոնի սցենար հնարեք, այնուհետև վերոնշյալ դետալներից հերոսներ պատրաստեք:
Երեխային ընդգրկեք այս ամբողջ գործընթացում: Հագցրեք զուգագուլպան կամ ձեռնոցը ձեռքին՝ խաղալիքը կենդանանում է: Շարժեք տիկնիկի ձեռքերը և ոտքերը: Փորձեք նաև խաղալ դերերով:
Կախարդական թուղթ
Վերցրեք ուղղանկյուն թուղթը և ցույց տվեք երեխային ինչպես ստանալ ակորդեոնի նման ծալվածքներ: Փորձեք նաև փոքրիկի հետ ինքնաթիռներ պատրաստել, գորտեր և այլն: Ցանկության դեպքում կարելի է նաև ընտրել համապատասխան գույնի թուղթ կամ վերջում ներկել ստացված իրը:
Այն թույլ է տալիս երեխային զարգացնել տրամաբանությունը և երևակայությունը:
Ուլունք
Պատրաստեք մի փոքրիկ կտոր ճկուն լար և «ուլունք»: Դրանք կարող են լինել տարբեր մեծ անցքերով, օրինակ՝ առանց թել խողովակներ, բուրգերի շրջանակներ, վարագույրների շրջանակներ, կոնստրուկտորի դետալենր, երկու կողմից կտրված պլաստմասյա շշեր և այլն:
Այնուհետև խնդրեք երեխային հավաքել ուլունքը: Պատրաստի ուլունքը հագցրեք խաղալիքին և բալիկին շնորհակալություն հայտնեք խաղալիքի անունից: