Հանրահայտ լեհ ուսուցիչ, գրող, բժիշկ և հասարակական գործիչ Յանուշ Կորչակը կազմել է երեխաների դաստիարակման 10 սկզբունքներ, որոնք պետք է իմանան բոլորը.

 

1.Մի սպասիր, որ քո երեխան կլինի այնպիսին, ինչպիսին դու ես, կամ այնպիսին, ինչպիսին դու ես ուզում, որ նա լինի: Օգնիր նրան, որ ինքը դառնա անհատականություն, ոչ թե կրկնօրինակի քեզ:

 

2. Մի պահանջիր երեխայից վարձատրությունն այն ամենի, ինչ դու արել ես նրա համար: Դու նրան կյանք ես տվել: Ինչպե՞ս կարող է նա երախտապարտ լինել: Նա կյանք կտա ուրիշին, այդ մյուսը՝ երրորդին, և դա է երախտագիտության անքակտելի օենքը:

 

3. Մի թափիր քո զայրույթը երեխայի վրա, որ ծերության պահին դառը հաց չուտես: Հիշիր. ինչ ցանես, այն կհնձես:

 

4. Նրա խնդիրներին բարձրից մի նայիր: Կյանքն ամեն մեկին տրվում է իր ուժի չափով, և համոզված եղիր, որ երեխայի համար այն նույնքան ծանր է, որքան և քեզ համար, գուցե և ավելի, քանի որ նա դեռ կյանքի փորձ չունի:

 

5. Մի՛ նվաստացրու:

 

 

6. Մի մոռացիր, որ մարդու կարևորագույն հանդիպումները երեխաների հետ հանդիպումներն են: Ավելի շատ ուշադրություն դարձրու նրանց վրա. մենք երբեք չենք կարող իմանալ, ում ենք հանդիպում երեխային հանդիպելիս:

 

7. Մի տանջիր քեզ, եթե չես կարողանում ինչ-որ բան անել քո երեխայի համար: Տանջվիր, երբ կարող ես, բայց չես անում: Հիշիր, երեխայի համար քիչ է արվում, երբ չի արվում հնարավոր ամեն բան:

 

8. Երեխան բռնակալ չէ, որ տիրացել է քո ողջ կյանքին, նա միայն արյան և մարմնի պտուղը չէ: Նա մի թանկարժեք գավաթ է, որ Կյանքը քեզ պահ է տվել, որ դու նրանում ստեղծարար կրակ բորբոքես: Նա անսանձ սերն է հոր և մոր, ում մոտ մեծանում է ոչ թե «մեր» կամ «սեփական» երեխան, այլ մի հոգի, որ պարտքով է տրված:

 

9. Կարողացիր սիրել ուրիշի երեխային: Երբեք մի արա ուրիշին այն, ինչ չէիր ուզենա, որ անեին քո երեխային:

 

10. Սիրիր քո երեխային այնպիսին, ինչպիսին նա կա՝ անտաղանդ, անհաջողակ, մեծ: Շփվելով նրա հետ՝ ուրախացիր, որովհետև երեխան տոն է, որ դեռ քեզ հետ է:

                                                                        

Յանուշ Կորչակ