Home


Ինչպե՞ս որդուց մեծացնել լավ հայր և ուժեղ տղամարդ

 

  • Անել ամեն ինչ, որպեսզի որդին ունենա լիարժեք հայր:  
  • Հոգ տանել շրջապատող տղամարդկանց  բարի համբավի համար, չանել կոպիտ արտահայտություններ և անվանարկումներ նրանց հասցեին, առհասարակ անիմաստ պատճառներով:
  • Հնարավորինս ընդլայնել շփումը այն տղամարդկանց հետ, ովքեր ունեն պատվի զգացում և առաջին հերթին հարգում են իրենք իրենց:
  • Որդու հետ խոսել, ինչպես մեծահասակի հետ, հարգանքով, հասկանալով նրան և ընդունելով, որ ձեր դիմաց լիարժեք տղամարդ է, պարզապես դեռևս անփորձ:
  • Չհրաժարվել հարցերին պատասխանելուց, հնարավորինս իրական պատասխաններ տալ դրանց: Հաշվի առնել , որ տղաները չեն ունենում անիմաստ ու ժամկետից շուտ տրվող հարցեր, այլ պատասխաններն են լինում ոչ կոմպետենտ, անիմաստ և մեծամիտ:
  • Ուշադիր լսել որդուն, սակայն նրան չվերածել չաչանակի:
  • Երես չտալ որդուն չափից ավելի:
  • Տարեց տարի ավելացնել նրա պատասխանատվությունը ու պարտականությունները ընտանիքում:
  • Չխոչընդոտել որդու նախաձեռնություներին, անգամ եթե այն որոշակի կորուստների հետ է կապված (օրինակ, ջարդված իրերի հետ և այլն):

 

отец

 

  • Չխոչընդոտել երեխայի մասնակցությունը տղամարդկանց առօրյա աշխատանքներին (հայրիկի, պապիկի, մեծ եղբոր և այլն), ընդհակառակը, հնարավորության դեպքում ընդգրկել նրան տարբեր աշխատանքներում, որոնք դուք իրականացնում եք:
  • Համապատասխան հավասարակշռություն պահպանել գովքի և ծայրահեղ նկատողությունների միջև:
  • Տարբեր փոքրիկ վնասվածքների, ընկնելու և քերծվածքների համար կտրուկ մի արձագանքեք և մի ջղայնացեք փոքրիկի վրա: Եթե վիրակապելու կամ վերքը մշակելու կարիք է առաջացել՝ սիրալիր մշակեք փոքրիկի վնասված տեղերը և օգտագործեք փոքրիկ հումորներ (օր.՝ մինչև հարսանիք անպայման կլավանա):
  • 4-5  տարեկանում արդեն պետք է ձեր որդուն սովորեցնեք հասարակական տրանսպորտում չշտապել առաջինը նստել, այլ հակառակը՝ տեղը զիջել մեծահասակներին և աղջիկներին, այդ թվում և մայրիկին:
  • Անգամ մինչև դպրոցական տարիքը պետք է ձեր որդուն ծանոթացնեք ձեր գործերին և խնդիրներին՝ առաջացնելով կարեկցանք և անհանգստություն: Իսկ որդուց լավ հայր կլինի, թե ոչ կարելի է եզրակացնել այն հանգամանգից, թե ինչպիսի որդի է նա:
  • Մանուկ հասակից ամեն օր սովորեցրեք ֆիզիկական վարժությունների (քիչ-քիչ ավելացնելով), սկզբում տան պայմաններում այնուհետև դրսում: Դպրոցում ֆիզկուլտուրայի դասերից ազատեք միայն առողջական լուրջ խնդիրների դեպքում: Մինչև դպրոց սովորեցրեք լողալ, դահուկ քշել, քշել երկակնանի հեծանիվ, խաղալ գնդակով խաղեր (ֆուտբոլ, վոլեյբոլ և այլն):
  • Հնարավորինս սովորեցրեք  ճիշտ խոսելուն: Այն, որ  մեղքը ընդունելու դեպքում պատիժը լինում է նվազագույն կամ ընդհանրապես չի լինում և ուսուցանեք, որ ազնվությունը առավել կարևոր է և ձեռնատու ստախոսությունից:
  • Փոքր տարիքից սովորեցրեք օրակարգի պահպանում և օրակարգից շեղվել միայն խիստ անհրաժեշտության դեպքում: Սովորեցրեք հաշվարկել ժամանակը այնպես, որ միշտ լինի պահուստային ժամանակը՝ գործերը ճիշտ պլանավորելու, տնից ժամանակին դուրս գալու և ժամադրություններից ու հանդիպումներց չուշանալու համար:
  • Սովորեցնել հետևյալ կանոնները՝  պետք չէ տալ խոստումներ, որոնք չես կարող իրականացնել: Եվ այստեղ շատ կարևոր է հայրիկի սեփական օրինակը:
  • Չծիծաղել, չվիրավորել և չնվաստացնել որդուն: Երբեք չօգտագործել «հիմար», «անգրագետ», «ապուշ», «անպիտան», «շան թուլ», «դեռ բերանիդ կաթը չի ցամաքել» և այլ արտահայտություններ: Նման արտահայտությունները երեխայի ուղեղից դուրս չեն գալիս ամբողջ կյանքում:
  • Պետք է սովորեցնել նաև համբերություն, ներողամտություն դիմացինների նկատմամբ, հարգել այլ մարդկանց կարծիքը, չքծնել և չմեծամտանալ:
  • 6-7 տարեկանում ընդգրկել տան հարցերի քննարկման գործընթացում (տան կահույքի դասավորում, մասնակցություն գնումների գործընթացին, ամառային արձակուրդների կազմակերպում և այլն):
  • Որքան հնարավոր է շուտ բացահայտել  գործնական և ստեղծագործական հմտությունները, բայց երբեք բռնի ուժով չստիպել ընտրել ձեր իսկ նախասիրությունները, չվախենալ մի գործից անցնել մյուսին: Մի մոռացե՛ք, շատերը աստիճանաբար են հասնում իրենց նախասիրություններին:
  • Գնեք հնարավորինս շատ գործիքներ, հասարակ մեխանիզմներ, դետալներ և հումք և ձեր որդու հետ միասին սովորեք օգտագործել դրանք:
  • Օրինակ ծառայեք սեփական էմոցիաները զսպելու և անհրաժեշտ գործերն իրականացնելու տեսանկյունից՝ «անում եմ այն ինչ չեմ ցանկանում, սակայն դա անհրաժեշտություն է: Չեմ անում այն ինչ կուզեի, որովհետև այս պահին այն վնասակար է»:
  • Նպաստեք որդու շփմանը այն հասակակիցների հետ, ովքեր առավելագույնս դրական կողմերով են իրենց դրսևորում: Հրավիրեք այդ ընկերներին տուն՝ ժամանակ անցկացնելու նպատակով:
  • Իրականացրեք տուրիստական արշավներ, այցելեք սպորտային և առողջարանային համալիրներ՝ առողջական խնդիրների դեպքում:
  • Խրախուսեք ազնիվ փող աշխատելը, եթե այն չի խոչընդոտում ուսման գործընթացին:
  • Սովորեցրեք կանանց մասին հոգ տանել մանուկ հասակից (մայրիկի, քույրիկի և այլն): Օրինակ, տվեք նրանց հողաթափերը, որդու հետ միասին կանանց համար նվերներ գնեք, ցանկալի է նաև նվերներ պատրաստել սեփական ձեռքերով և այլն:
  • Մի խոչընդոտեք որդուն իր ցանկությունների մեջ՝ ինչ-որ մեկին օգնել, ինչ-որ բան նվիրել, տարբեր մարդկանց ուշադրություն դարձնել, անգամ եթե անհրաժեշտ է որոշ զոհաբերությունների գնալ: Դժվար պահին օգնություն ցույց տալ դիմացինին տղամարդուն ամենաբնորոշ հատկություններից մեկն է: