Home


Չորս ամսականում երեխան ակտիվորեն հետաքրքրվում է այն ամենով, ինչն իրեն շրջապատում է: Տեսողությունն արդեն բավականին լավ զարգացած է և փոքրիկը կարող է հայացքով ուսումնասիրել ամբողջ սենյակը: Այնպես որ իսկական ժամանակն է փոքրիկին ծանոթացնել տան տարբեր անկյունների հետ՝ իրականացնելով փոքրիկ զբոոսանք:

Չորս ամսական բալիկն արդեն ի վիճակի է պատուհանից նայել դուրս, ամռանը հանգիստ կարող է մեծահասակների հետ զբոսնել մաքուր օդին: Փոքրիկն արդեն տարբերում է գույներն այնպես, որ ժամանակն է նրան ցույց տալ առաջին գունազարդ նկարներով գրքերը: Նրանք մեծ հաճույքով երկար ժամանակ են հատկացնում այս զբաղմունքին:

Փոքրիկի լսողությունը ևս բավական լավ է զարգացել: Նա հաճույքով կարող է լսել դասական երաժշտություն և մանկական երգեր:

Եթե բալիկը երաժշտությանը նորմալ է արձանգում, դա նշանակում է, որ նրա մոտ հոգեբանական զարգացումը ընդանում է բնականոն հունով: Եվ այն ստուգելը  շատ հեշտ է: Հենց փոքրիկը լսում է իր սիրելի երաժշտությունը, սկսում է ձեռքերն ու ոտքերը թափահարել: Երբեմն փոքրիկները ձայներ են հանում երաժշտության ներքո, իսկ երբեմն սկսում են երաժշտական տարբեր ձայներ հանել:
Չորս ամսական երեխան արդեն ձայներով ճանաչում է իր հարազատ մարդկանց՝ նրանց ձայնը լսելով արձագանքում է:

Այս տարիքում աղջիկ և տղա երեխաների  զարգացման մեջ  չկա ոչ մի տարբերություն: Այն ի հայտ կգա ավելի մեծ տարիքում:

Չորս ամսականում փոքրիկը սկսում է արտահայտել իր զգացմունքները ոչ միայն լացի միջոցով: Նրա էմոցիաները բուռն զարգացում են ապրում.

  • ծնողներն ավելի ու ավելի հաճախ են իրենց բալիկի դեմքին ժպիտ տեսնում,
  • այս շրջանում ոչ բոլոր փոքրիկներն են կարողանում ծիծաղել, իսկ այն բալիկներն ովքեր արդեն օժտված են այդ հատկությամբ՝ գերազանցում են իրենց հասակակիցներին զարգացվածության տեսանկյունից, 
  • փոքրիկն իր ուրախությունը հայտնում է ձեռքերն ու ոտքերը թափահարելով,
  • երեխաները գղղում են (ձայներ են հանում, կարող են հայտնել իրենց դժգոհությունը),
  • երեխաներն արդեն հստակ ճանաչում են այն մարդկանց, ում տեսնում են ամեն օր: Այն մարդիկ, ովքեր երեխային տեսնում են շաբաթը մեկ անգամ, նրա կողմից ընդունվում են որպես օտար,
  • հայտնաբերելով իր համար նոր դեմքեր՝ փոքրիկը լռում է և սկսում է ուսումնասիրել:

Երեխաներին ժամանակ է պետք նոր մարդկանց ընտելանալու համար: Ոմանք  միանգամից ժպտում են և թույլ են տալիս իրենց գրկել, իսկ որոշ փոքրիկներ միայն լացում են: Բոլոր այս դրսևորումները նորմալ են և խոսում են երեխայի էմոցիաների զարգացման մասին:

Հյուրերը պետք է լցվեն համբերությամբ և սպասեն որոշ ժամանակ, ինչից հետո փոքրիկի համար նրանք ևս կդառնան հարազատ դեմքեր:

Հոգեբանները ենթադրում են, որ երեխայի խոսքը մշակվում է արդեն մոր արգանդում: Չորս ամսականում ծնողներն արդեն վայելում են իրենց ջանքերի արդյունքները:

Արթուն ժամանակ փոքրիկն արդեն վաղուց ուրախացնում է շրջապատողներին տարբեր երաժշտական ձայներով: Չորս ամսականում նա առաջին անգամ փորձում է վանկեր արտասանել մոտավորապես այսպես՝

 «մա», «պա», «տա», «ղու»:

Որպեսզի խոսքի զարգացումն արագ ընթանա, հաճախակի զրուցեք փոքրիկի հետ՝ ցույց տալով տարբեր իրեր և բացատրելով, որի անունն ինչ է և ինչի համար է այն:

Երեխաներն անընդհատ ինֆորմացիա են կլանում: Հայտնի են դեպքեր, երբ երկու տարեկան երեխաներն ամբողությամբ պատմում են բորշի պատրաստման բաղադրատոմսը կամ գիտեն շարժիչի աշխատանքի հիմնական սկզբունքները:

Շատ լավ է, երբ դուք երեխայի համար գրքեր եք կարդում, բանաստեղծություններ արտասանում: Երեխաները սիրում են երգեր մեծերի կատարմամբ:

Խոսքի զարգացման համար փոքրիկի հետ կարող եք խաղալ հետևյալ խաղը.

Նայելով փոքրիկի աչքերի մեջ ասացեք ինչ-որ բան: Պետք է խոսել հստակ, կոնկրետ էմոիցներով: Այդ դեպքում դուք կտեսնեք, թե ինչպես է փոքրիկը ձեզ պատասխանում իր տեսանկյունից: Անպայման լսեք նրան մինչև վերջ և շարունակեք խոսակցույթունը: Այս խաղը բավականին դուր է գալիս փոքրիկներին և զարգացնում է խոսելու ունակությունը:

Եվս մեկ խաղ՝ «խոսել փոքրիկի նման»: Այն նման է նախորդ խաղին:  Ասացեք փոքրիկին արտահայտություն, երբ նա պատասխանի կրկնեք այն ձայները, որոնք արտասանել է փոքրիկը: Ի պատասխան փոքրիկ բալիկը նորից ինչ-որ բան կասի: Այս խաղը կարելի է խաղալ անվերջ:

 

4

 

Փոքրիկի զարգացումը անհատական է: Ոմանք չորս ամսականում ունեն բոլոր անհրաժեշտ կարողությունները այս տարիքի համար, ոմանք առաջ են անցել հասակակիցներից, իսկ երրորդները՝ փոքր ինչ հետ են մնում: Վերջին դեպքի համար պետք չէ շատ անհանգստանալ, պարզապես փոքրիկին ավելի շատ ուշադրություն դարձրեք:

Կան հատուկ իրավիճակներ, երբ ակընհայտ է, որ փոքրիկի զարգացումը թերի է և անհրաժեշտ է բժիշկների միջամտությունը.

  1. փոքրիկը չի կարողանում պահել գլուխը,
  2. դուք դեռևս չեք նկատում էմոցիաների դրսևորում փոքրիկի մոտ,
  3. բացակայում է արձագանքը հարազատ մարդկանց նկատմամբ, փոքրիկը դեռևս չի ժպտում,
  4. բալիկը չի հետաքրքրվում խաղալիքներով,
  5. ձայները և երաժշտությունը փոքրիկի մոտ էմոցիաներ չեն առաջացնում և նա չի արձագանքում իրա անունը տալուց,
  6. բացակայում է գղղոցը,
  7. երբեմն ի հայտ եկող ժպիտը պատահական է և կախված չէ որևէ իրադարձությունից,
  8. փոքրիկի մոտ շարժումների ակտիվությունը բացակայում է,
  9. առկա է անտարբեր-փնտրող հայացք, նա չի կենտրոնանում ոչ մի առարկայի վրա:

Եթե առկա է անգամ վերոնշյալ ախտանիշներից որևէ մեկը, անպայման դիմեք փոքրիկի բժշկին: Այս տարիքում ի հայտ եկած խնդիրները հիմնականում արագ են լուծվում, կախված նրանից, թե երբ են ծնողները հայտնաբերել այն:

Պետք է հիշել, որ թերահաս ծնված երեխաների մոտ չորս ամսականում զարգացվածությունը կարող է տարբերվել իր մյուս հասակակիցներից, ովքեր ծնվել են ժամանակին:

Նյարդաբաններն, այս ամենից ելնելով, հաճախ հաշվում են ոչ թե քանի՞ ամսական է փոքրիկը, այլ ե՞րբ պետք է նա ծնվեր: Այդ իսկ պատճառով թերահաս ծնված երեխաների վերահսկամն կոնկրետ նորմեր գոյություն չունեն: Դրանք անհատական բնույթ են կրում:

Ամեն դեպքում չորս ամսականում երեխաները հիմնականում կարողանում են պահել գլուխը, ժպտալ և կենտորնացնել հայացքը իրենց հետաքրքրող առարկայի վրա: