Առողջապահության համաշխարհային կազմակերպությունը խորհուրդ է տալիս մինչև 6 ամսականը միայն կրծքով կերակրել փոքրիկին: Այնուհետև կաթին զուգահեռ կարելի է ավելացնել հավելյալ սնունդ: Սա վերաբերվում է բոլոր երեխաներին, անկախ նրանից նրանք մայրական կաթ, թե արհեստական սնունդ են կերել մինչ այդ:
Առաջին հավելյալ սնունդը կամ բանջարեղենային պյուրեն է, կամ էլ շիլան: Այն պետք է լինի միատարր, իսկ բալիկին պետք է տալ աստիճանաբար:
Չնայած, որ երեխան արդեն ուտում է հավելյալ սնունդ պետք չէ կտրել նրան կաթից: Եթե առաջին հավելյալ սնունդը բանջարեղենայինն է, ապա երկրորդը անպայման պետք է լինի շիլան:
6 ամսականում ատամների դուրս գալու ակտիվ շրջանի սկիզբն է: Սակայն ատամները կարող են դուրս գալ ինչպես ավելի վաղ, այնպես էլ ավելի ուշ:
Որոշ երեխաների ատամները սկսում են դուրս գալ մեկ տարեկանին մոտ և դա ևս նորմալ է: Սկզբից դուրս են գալիս ներքևի ատամները: Դրանք կարող են դուրս գալ միասին կամ առանձին-առանձին: Երեխան արդեն ակնհայտ տարբերում է հարազատ և անծանոթ մարդկանց:
Քիչ հավանական է, որ երեխան հեշտությամբ կգնա անծանոթների մոտ: Ավելի շուտ նա կսկսի լաց լինել, ինչը նորմալ է՝ պաշտպանական ռեակցիա, այլ ոչ կամակորություն: Փոքրիկը սկսում է ավելի քիչ քնել: Ակտիվ ժամանակահատվածը հասնում է մոտ 2.5 ժամ: Վեց ամսական երեխաները հիմնականում օրվա մեջ տեսնում են երեք երազ, օրինակ՝ մեկ երկար և երկու կարճ: Արթուն ժամանակ նա ավելի մեծ ուշադրություն է պահանջում, ինչից մայրիկը կարող է հոգնել:
Որոշ բալիկներ կարող են քնել ամբողջ գիշեր և մայրիկներին թույլ տալ հանգստանալ: Սակայն կան երեխաներ, ովքեր արթնանում են հաճախակի:
Սա կարող է պարզապես լինել երեխայի արձագանքը ատամների դուրս գալուն:
Վեց ամսականում երեխան կարող է.
♦ Փորի վրա պարկած դիրքում պարզել ձեռքերը, երկար մնալ այդ դիրքում, ձգել ոտքերը և կծկել դրանք՝ փորձելով չորեքթաթ դիրք ընդունել,
♦ որոշ բալիկներ արդեն կարողանում են չորեքթքթ դիրք ընդունել և նաև ճոճվել,
♦ ի հայտ է գալիս փոքրիկի ակտիվ խոսելու ժամանակը՝ չնայած նրա խոսքն արտահայտվում է դեռևս ձայների և վանկերի միջոցով,
♦ փոքրիկը կարող է վերցնել խաղալիքները ընկած տարբեր դիքերից
♦ փոքրիկն այս շրջանում սկսում է բարձրաձայն ծիծաղել:
Երեխայի էմոցիոնալ զարգացումը շատ կարևոր է: Սիրելի խաղալիքներ, գրքեր և մեծ նկարներ. այս ամենը փոքրիկի մոտ հրճվանք է առաջացնում:
Շարժական զարգացում
Փոքրիկը, ով դեռևս մեկ ամիս առաջ կարողանում էր միայն պարկել փորի վրա և շարժել ոտքերն ու թաթիկները, այժմ արդեն կարողանում է կանգնել չորեքթաթ, նաև սողալ (իհարկե փորի վրա և ոչ շատ հեռու):
Որոշ երեխաներ վեց ամսականում սկսում են ինքնուրույն նստել, ինչն էլ նշանակում է, որ սկսել է երեխայի ակտիվության շրջանը: Մահճակլի վրա փոքրիկին միայնակ մի թողեք, իսկ հատակին, անգամ եթե մենակ եք թողնում, ապա հնարավորինս անվտանգ իրավիճակ ստեղծեք փոքրիկի համար:
Բալիկը ակտիվ խաղում է իր խաղալիքներով երկու ձեռքերի օգնությամբ: Թափահարում է չխչխկիկը, հարվածում է խաղալիքները գետնին:
Ինչպես խաղալ վեց ամսական երեխայի հետ
Այս շրջանում բավական հեշտ է զարգացնել երեխայի լսողությունը: Բազմաբնույթ ձայներ հանող խաղալիքները հրապուրում են փոքրիկին: Խաղալիքները պետք է լինեն անվտանգ (այդ թվում և չափերով), որպեսզի փոքրիկը չկարողանա այն կուլ տալ: Չմոռանանք, որ բալիկը ամեն ինչ փորձում է տանել բերանն ու ուտել, այնպես որ պետք է շատ զգույշ լինել խաղալիքներ ընտրելիս:
Երեխաների սիրելի խաղը ծափիկ ծափիկն է, ինչը նպաստում է ձեռքերի և մատների, ինչպես նաև երեխայի կոորդինացիայի զարգացմանը:
Երեխան արդեն կարողանում է բազմապատկել և եռապատկել վանկերը՝ սա խոսքի նախնական զարգացումն է: Բալիկի կողմից այս փոքրիկ փորձերը պետք է ոգևորություն առաջացնեն ծնողների մոտ: Մի քանի անգամ կրկնեք այս կամ այն առարկայի անվանումը: Կարող եք փոքրիկի հետ յուրահատուկ երկխոսություն իրականացնել, պատասխանել նրա վանկարկումներին և ձայներին:
Բալիկն այս շրջանում արդեն բավական լավ է կենտրոնացնում հայացքը և չի փախցնում այն: Նա կարող է ուշադիր նայել գլորվող գնդակին կամ արձագանքել արագ վազող ավագ եղբորը, ով խաղում է մոտակայքում: Կարող եք նկատել, թե ինչպես է փոքրիկն ուշադիր նայում իր ձեռքում գտնվող խաղալիքին: Սկզբից փոքրիկը ուշադրություն է դարձնում այս կամ այն առարկային, որից հետո սկսում է սողալով մոտենալ դրան:
Աշխարհի մասին փոքրիկները պատկերացում են կազմում հպվելով խաղալիքներին: Երբ դուք գրկում կամ համբուրում եք ձեր բալիկին նա հասկանում է, որ գտնվում է անվտանգության մեջ, շրջապատված է սիրով: Այս ընթացքում փոքրիկը սովորում է անընդհատ և ամեն ինչ: Նա խաղում է գրքերով և խաղալիքներով, որոնք ունեն տարբեր մակերևույթներ: Հետևեք, արդյո՞ք ձեր երեխային դուր է գալիս խաղալ փափուկ խաղալիքով կամ զգալ գորգի մակերևությը: Թույլ տվեք երեխային բարեհաջող ուսումնասիրել շրջապատող աշխարհը: Մի մոռացեք, որ փոքրիկը ցանկանում է իրեն ապահով զգալ ծնողների հովանու ներքո: Համբուրեք և գրկեք երեխաներին որքան կարող եք հաճախ, նրանք դրանից ավելի են ուժեղանում: