Միջնադարյան Եվրոպայի բնակիչները երբեմն կոշիկի ներբանին փայտյա կախազարդեր էին ամրացնում: Ի՞նչ նպատակով էին նրանք այդպես անում:

Կեղտից պաշտպանվելու համար, քանի որ այդ ժամանակ կոյուղի չկար և շատերը կեղտը պարզապես փողոց էին թափում

 

***

Ո՞ր գործընթացում է ջուրը փոխարինել արևին, 600 տարի անց նրան փոխարինել է ավազը, իսկ ևս 1100 տարի անց նրանց բոլորին փոխարինել է մեխանիկան:

Ժամանակի չափման գործընթացում: Խոսքը ժամացույցի մասին է:

 

***

Նախկինում ամբարները կառուցել են բնակավայրերից հեռու: Ի՞նչ նպատակով:

Որպեսզի կրակը չոչնչացնի սննդի պահուստները

 

***

 Պետրոս Մեծի ժամանակ Ռուսական կայսրության զինանշանի վրա պատկերված է եղել արծիվ, որը ճանկերի մեջ պահում էր չորս  ծովերի  քարտեզները: Թվարկեք դրանք:

Սպիտակ, Կասպից, Ազովի, Բալթյան

 

***

Գերմանական  ո՞ր ցեղի անվամբ է կոչվել եվրոպական երկրներից մեկը:

Ֆրանսիան իր անունը ստացել է գերմանկան ֆրանկ ցեղի անունով

 

***

Ավարտեք լեհական հումորային երկտողը՝ Աստված ամենուր է, բացի Կովալսկու խորդանոցից, այն պարզ պատճառով…

…քանի որ Կովալսկին չունի խորդանոց

 

***

Չցանկանալով ընդունել այն փաստը, որ Կարմիր բանակը կարող էր իրենց հաղթել՝ գերմանացիները պնդում էին, որ Հայրենական Մեծ պատերազմը հաղթել են գեներալ «Ցուրտը», գեներալ «Ցեխը» և գեներալ «Մուկը»:  Ցուրտն ու ցեխը պարզից էլ պարզ էր, իսկ ի՞նչ կապ ունի մուկը...

Բան այն է, որ մկները կրծել էին գերմանական տանկերի հոսանքի լարերը

 

***

Ասացեք հինգ օրեր՝ չասելով թվեր (1, 2, 3,..) և շաբաթվա օրեր (երկուշաբթի, երեքշաբթի, չորեքշաբթի…)

Երեկ չէ առաջի օրը, երեկ, այսօր, վաղը, վաղը չէ մյուս օրը

 

***

Երեսուն երկու զինվորներ ունեն մեկ հրամանատար:

Ատամներն ու լեզուն

 

***

Տասներկու եղբայր են,

Մեկը մեկին հաջորդում են,

Մեկը մյուսին չեն շրջանցում:

Տասներկու ամիսները